撰文、攝影︰潘蔚能 Travelzoo 香港主編
旅遊小貼士互動分享，立即登入：https://www.facebook.com/poonwainang
 |
| 精選特大床房 |
香港人工作太忙包括自己，想請長假未必咁易，老闆未必批，又要同事配合。一個週末可以去得邊到玩？澳門雖然係首選，不過去得太多，想換下口味，不如今期講下廣州，呢個好多人熟識既城市，但去短線遊又必未第一時間想到既地方。
 |
| 廣交會會場及珠江河美景 |
早前 Travelzoo Local Deals推出了The Westin Pazhou（廣交會威斯汀酒店 ) 優惠套票，見價錢好抵，一於試下呢間酒店質素到底有幾好。今次入住酒店3日2夜，順便睇下而家廣州有咩好玩地方。酒店位於海珠區一個叫琶洲地方，亦即係廣州交易會會場。由於呢到商業區，又算係新開發既地方，所以周圍乾淨之餘仲好寧靜，但就遠離天河、白雲等傳統旺區、購物地方，要出去購物飲食就必須坐地鐵或者巴士，而地鐵站就係酒店隔離，大概行10分鐘左右就到。
望住河景歎茶忘記生活煩惱
住酒店我認為唔一定要位置非常好，反而著重設施、房間有幾新。一般舊酒店，房間就算保持再好，地氈始終會有「霉霉地」既感覺，浴室、廁所都會有漬，唔會有開心感覺。廣交會威斯汀酒店去年 9 月先至開幕，未夠一年，很多地方都好新淨，特別係地氈令我好放心，一入房就連拖鞋都唔著，赤腳四圍行。
 |
| 一邊歎茶一邊望住靚景好寫意 |
 |
| 迷你酒吧 ( 自費 ) |
房間位於 27 樓，窗外環境開揚，望到珠江河景仲可以遠眺廣州塔，一邊聽歌，一邊歎茶，有賞心悅目風景做點心，其實都幾寫意，至少香港屋企做唔到呢一點。未入住之前，酒店email 左房間資料，其中最大賣點就話係張床，叫天夢之床。咦！一聽過名好似好勁咁，有點令人期待。嗯......一試訓落去，覺得好有豐滿、大包圍既感覺，羽绒被同床單清爽。究竟，張床有幾特別？原來揭開床單下面有一個保護墊同特製床墊，所以訓落去好貼身。想知呢張床既結構打" 天夢之床 " 去搜尋有把資料。不過如果訓慣硬身床既朋友，呢張床可能就會覺得太淋。
 |
| 天夢之床 |
房間浴室係開放式設計，最欣賞2個賣點，其一係內裡設有一個簡單衣帽間，行李、衫褲鞋襪可以歸一處理，咁就唔會放到成間房周圍都係。而另一個值得一讚之處整個浴室其實有趟門，拉埋後成為私人空間。
住商業區酒店其實有另一個好處，就算旅遊旺季，只要唔係商業活動高峰期，房既價錢唔會太貴之餘，人流亦唔會太多。好似，酒店內的泳池、健身室、桑拿等設施都唔駛同人迫。
 |
| 開放式浴室及衣帽間 |
 |
| 浴室一角 |
遊新景點位置方便
廣州可愛之處係新舊景點共冶一爐，有穿梭古今既感覺，好似仍保留西關大宅、沙面英、法租界等歲月痕跡，亦有不少現代化建築如珠江新城，亞運場館等。而其中有兩個地方必遊，分別係廣州塔同埋荔灣涌，下期再介紹。
有興趣朋友，可以立即透過此預訂：The Westin Pazhou
相關文章：
【試玩系列】臭渠變清流的神奇工程
【試玩系列】450米高空轉 — 全球最高摩天輪
沒有留言:
張貼留言